Енди Мареј прерано е елиминиран од турнирот во Монте Карло откако првиот светски рекет сосема неочекувано загуби од Алберт Рамос Винолас со 1-2 во сетови. Британецот, кој на овој турнир се враќа на терените по незгодната повреда на лакотот, се посрамоти откако се наоѓаше на работ на победа, но дојде до голем пад во неговата игра и сензационален пораз од тенисерот кој никогаш досега во кариерата не победил прв носител на еден Мастерс-турнир.
Откако по два сета резултатот гласеше 1-1, во решавачкиот сет Мареј дојде до огромна предност од 4-0. Сепак, кога сите очекуваа лесна завршница за првиот светски рекет Мареј влезе во серија на грешки, Рамос Винолас се врати и го доби сетот со 7-5.
Пласман во четвртфиналето обезбеди и Марин Чилиќ, кој славеше со 2-0 во сетови против Томаш Бердих (6-2, 7-6).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
