Марк Маркез продолжува да доминира на патеката „МоторЛенд Арагон“ во Шпанија. Возачот на Дукати ја искористи одличната можност и триумфираше во спринт-трката за Големата награда на Арагон, со што освои нови 12 бода во шампионатот.
Маркез стартуваше од втората позиција, зад Марко Бецеки, но уште на самиот почеток успеа да го мине италијанскиот возач и да ја преземе лидерската позиција.
Од тој момент Шпанецот возеше во свој ритам и постепено ја зголемуваше предноста пред конкурентите. На крајот без поголеми проблеми стигна до победата, потврдувајќи дека Арагон е една од неговите омилени патеки.
Второто место му припадна на неговиот брат Алекс Маркез, кој со својот Дукати имаше одлична трка. Марко Бецеки, пак, по освоената пол-позиција мораше да се задоволи со третото место.
Во борбата за четвртото место Педро Акоста беше пред Раул Фернандез и Хорхе Мартин. Зад нив завршија Фабио Ди Џанантонио, Франческо Бањаја и Фермин Алдегер.
Трката донесе и неколку инциденти. Фабио Ди Џанантонио имаше пад, додека Фабио Квартараро не ја заврши трката поради проблем со моторот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
