Чаби Алонсо ќе го наследи Карло Анчелоти на клупата на Реал Мадрид, и дефинитивно објавува шпанска „Марка“.
Анчелоти објави дека по оваа сезона ќе го напушти кралскиот клуб со кој освои вкупно 15 трофеи во кариерата, во два мандата: три титули во Лигата на шампионите, три Светски клупски првенства, три Суперкупа на УЕФА, два трофеи во Ла Лига, два Купа на Кралот и два Суперкупа на Шпанија. Со тоа, тој застана рамо до рамо со најдобрите тренери кои го воделе овој тим во историјата.
Најверојатно, нов предизвик за Италијанецот ќе биде клупата на бразилската репрезентација, која треба да ја предводи на претстојното Светско првенство 2026.
Алонсо ќе потпише тригодишен договор со Реал Мадрид. Шпанецот ја започна својата кариера во огранокот на кралскиот клуб, а потоа замина во Германија и таму со Баер Леверкузен направи чудо. Во сезоната 2023/24, тој ја освои титулата во Бундеслигата без пораз, додека во Лигата на Европа стигна до финалето, каде што беше запрен од Аталанта.
Договорот е дека Алонсо нема да го предводи тимот на Светското клупско првенство, па Сантијаго Солари ќе го води тимот на тие натпревари во јуни и јули.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
