Крилниот напаѓач на Работнички, Кире Маркоски, се надева дека тоа „романтичарите“ покажуваат знаци за излез од резултатска криза. По добрата игра против Шкендија во Купот, и покрај елиминацијата на пенали, Маркоски очекува тимот од Дебар Маало да одигра квалитетно и да оствари позитивен резултат на неделниот дуел со Пелистер.
„Против Шкендија во Купот одигравме навистина на високо ниво, и само среќата во пенал – рулетот не дозволи да се пласираме во следната рунда. Но, мислам дека тоа е добар знак како нашата игра сега е на многу повисоко ниво, па очекувам да продолжиме со уште подобри изданија и да излезме од кризата. Со многу борба и залагање, и максимална посветеност, мислам дека можеме да оствариме позитивен резултат и на неделниот дуел против Пелистер. Тоа е тим што претендира за излез во Европа, спој на младост и искуство, кој има несомнен квалитет, но и нашата самодоверба сега е зголемена и ќе се обидеме тоа да го преточиме во добар настап“, вели Кире Маркоски за официјалниот сајт на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
