Килијан Мбапе има подобар голгетерски рекорд во клупската и репрезентативната кариера од Кристијано Роналдо и од Лео Меси на негова возраст. Тој досега има постигнато 96 гола за клубовите и за репрезентацијата, а нема ниту полни 21 година.
Тој има три пати повеќе погодоци од тоа што имал Роналдо пред 13 години. И тоа има уште цели осум месеци за да наполни 21 година и со тоа уште многу време и повеќе да ги надмине бројките на дуото кое владее со светскиот фудбал повеќе од една деценија.
84 од головите на Мбапе се клупски, додека 12 меѓу кои и погодокот во финалето на Светското првенство минатото лето се за француската репрезентација.
Роналдо до 21 година имаше 34 гола, а Меси на таа возраст имаше 54 гола за клубот и за репрезентацијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
