Килијан Мбапе е отпуштен од болницата во САД и повторно вечерва се врати во тренинг-центарот на Реал Мадрид за време на Светското клупско првенство, откако претходно беше хоспитализиран поради акутен гастроентеритис.
„Килијан Мбапе беше отпуштен од болница попладнево и се врати во тренинг-центарот на Реал Мадрид. Мбапе ќе продолжи со специфичен медицински третман и постепено ќе се враќа на тимските активности“ – информираа официјално од Реал Мадрид.
Првата ѕвезда на Реал Мадрид не настапи на првиот натпревар на клубот на Светското клупско првенство во САД на кој „кралевите“ ремизираа 1-1 против Ал Хилал.
Откако му беше дијагностициран акутен гастроентеритис, по извршените тестови и соодветниот лекарски третман тој е повторно вратен во базата на Реал Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
