Килијан Мбапе донесе победа на ПСЖ на гостуањето во Брест и тоа со гол во последните мигови од мечот. ПСЖ беше на прагот на нов срам, откако Брест имаше 1:1, меѓутоа една грешка и брзината на Мбапе на крајот беа доволни за три бода на фаворитот.
Солер во 37. минута донесе водство за ПСЖ и ги постави работите во посакуван правец за лидерот на табелата. Меѓутоа Хонорат успеа да израмни во 43. минута и да му создаде големи главоболки на Кристоф Галтие.
Сепак, Меси во 91. минута додава до Мбапе, кој истрча пеесетина метри, го мина и голманот и погоди во празната мрежа за голем триумф за ПСЖ и рехабилитација за елиминацијата од ЛШ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
