Натпреварот меѓу Вардар и Шкупи што ќе се игра утре на стадионот „Борис Трајковски“ во Маџари е прогласен за меч од висок ризик, па од управата на „црвено-црните“ уште еднаш потенцираат дека ќе биде забрането присуството на гостински навивачи.
„Натпреварот е прогласен за меч од висок ризик. При купување на билет задолжително ќе биде прикажување на документ за лична идентификација. Влезници ќе се купуваат по принципот една лична карта – еден билет. Забранет ќе биде влезот за гостински навивачи и симпатизери. Сите гостински навивачи кои ќе се обидат да влезат на трибините, ќе бидат вратени од стадионот. До оние кои ќе бидат на трибината на стадионот, ФК Вардар апелира на фер и коректно навивање. Да го бодриме нашиот тим кон триумф и три бода“ – се вели во соопштението на официјалната веб-страница на македонскиот вицепрвак.
Целта е јасна, да не се дозволи присуство на „Шверцери“, што би претставувало сериозна опасност од инцидент за време на натпреварот, но и надвор од стадионот.
Вардар моментно се наоѓа на третото место на табелата со 39 бода, шест повеќе од четвртопласираниот Шкупи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
