Рускиот тенисер Даниил Медведев, коментирајќи ја одлуката на ВАДА за само тримесечна суспензија на Јаник Синер поради допинг, имаше интересен предлог за сите кои потенцијално би можеле да паднат на допинг тест во иднина.
Тенискиот свет е збунет откако Италијанецот се спогоди со Светската антидопинг агенција (ВАДА), прифаќајќи тримесечна суспензија, по која ќе се врати на терените на 4 мај.
„Се надевам дека отсега сите ќе можат да разговараат со ВАДА и ако тие ви кажат: ‘Ви го најдовме ова, ќе бидаете две години под суспензија, вие само ќе одговорите: ‘Не. Сакам еден месец’. И, така ќе падне договор. Се надевам дека тоа ќе биде преседан. Во спротивно, ќе биде чудно“, рече Медведев.
Да потсетиме, Синер во март минатата година двапати беше позитивен на забранетата супстанца клостебол, но Меѓународната агенција за интегритет во тенис го ослободи од обвиненијата.
ВАДА ја обжали таа одлука пред Судот за спортска арбитража. Во серумот е пронајдено многу мало количество клостебол, а контаминацијата наводно била предизвикана од крем за масажа.
🎙️ Daniil Medvedev sur l’accord trouvé entre Jannik Sinner et l’Agence mondiale antidopage pour une suspension de trois mois :
🗣️ « J’espère que tout le monde pourra discuter avec l’AMA et se défendre comme Jannik Sinner à partir de maintenant. » pic.twitter.com/GMZqWK9uBb
— Univers Tennis 🎾 (@UniversTennis) February 15, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
