Ирскиот ултимејт борец, Конор Мекгрегор, се спаси од затворска казна што му се закануваше во Њујорк. Мекгрегор се спогоди со обвинителите приознавајќи ја вината за кршење на јавниот ред и мир во април годинава.
Двојниот ММА шампион со својата придружба ги нападна другите натпреварувачи на една УФЦ борба во Бруклин при што беше направена и материјална штета на автобусот во кој шти се возеа.
Мекгрегор ќе мора да ја плати штетата за автобусот и пет дена неделно да извршува „општествено корисна работа“, но и да посетува часови за контрола на бесот. За возврат контроверзниот борец нама да има криминално досие и казната нема да му ја загрози американската виза.
Ирецот им се заблагодари на судиите и на обвинителите што му „дозволиле на продолжи понатаму“. Ако не ја прифатеше вината и спогодбата, на Мекгрегор му се закануваше максимална казна од седум години затвор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
