Тренерот на ПСЖ, Маурисио Покетино, зборуваше за ситуацијата со договорот на парискиот напаѓач Килијан Мбапе, па искрено проговори дека во новата претстојна година сака и се надева дека младиот Французин ќе остане уште долго време во тимот на „светците“.
Аргентинскиот стручњак истакна дека во секој клуб постојат проблеми, но истите се решаваат само преку дијалог меѓу двете страни.
„Во фудбалот, договорна ситуација може да влијае на играчот ако тој не е доволно зрел. Мбапе нема таков проблем, тој веќе е прилично зрел фудбалер. Се надеваме дека Килијан уште долго ќе остане во клубот. Во оваа ситуација, одлуката мора да ја донесат двете страни. Се надевам дека Мбапе ќе игра оваа година како и минатата и дека решението на проблемот ќе биде позитивно и за него и за нас“, изјави Покетино за ‘Франс 24’.
Во сезоната 2021/22, Мбапе одигра 24 натпревари за ПСЖ, постигна 15 гола и 15 асистенции. Дваесет и тригодишниот Французин има договор со клубот до крајот на јуни 2022 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
