Мерцедес побара од Формула 1 повторно да го истражи „инцидентот“ помеѓу Макс Ферстапен и Луис Хамилтон од 48. круг на ГН на Бразил кога при обид за претекнување на Британецот, Холанѓанецот не дозволи конкурентот да ја превземе првата позиција.
Интересно, истото го бараше и Ред Бул по ГН на Велика Британија кога Хамилтон го исфрли Ферстапен од стазата, а овој заврши во заштитната ограда.
На оваа тема говореше и Себастијан Фетел кој не ја гледа причината за овој потег на Мерцедес, кој според Германецот создава дополнителна тензија која во моментот не е потребна.
„Не ми се јасни луѓето од Мерцедес. Желбата која ја упатија е целосно непотребна. Тоа беше борба на двајца возачи за првото место. Во еден момент двајцата завршија надвор од стазата. Се вратија, Хамилтон победи и тука треба да се стави точка. Јас не сум вмешан во инцидентот и немам никаков интерес. Без потреба се прави тензија. Луис беше одличен. Победи. Беше побрз. Не знам зошто воопшто се враќање на таа тема“, изјави Фетел.
Битката на прво и второ пласираните возачи продолжуваат викендов за Големата награда на Kaтар.
🚨 BREAKING: A decision surrounding Mercedes’ right to appeal against Max Verstappen’s defence against Lewis Hamilton in Brazil will now be ruled upon tomorrow.https://t.co/zh0Ex0xdNF #F1 pic.twitter.com/NqDhPDc3UO
— PlanetF1 (@Planet_F1) November 18, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
