Интер Мајами го назначи Кристијан „Кили“ Гонзалес за нов тренер на тимот, но Аргентинецот засега нема да може веднаш да ја преземе функцијата.
52-годишниот Гонзалес ќе го преземе тимот откако ќе ги добие потребните работни дозволи за престој и работа во САД. До тогаш, Интер Мајами ќе продолжи да го води привремениот тренер Гиљермо Ојос.
Ојос ја презеде функцијата во април, по заминувањето на Хавиер Маскерано, а клубот сега реши да му даде доверба на Гонзалес во обид да ја стабилизира екипата.
Интер Мајами неодамна го засили составот и со бразилскиот ветеран Каземиро, но резултатите не се според очекувањата. Тимот, и покрај присуството на Лионел Меси и уште неколку големи имиња, загуби на четири од последните пет натпревари.
Интер Мајами моментално е втор во Источната конференција во МЛС, но заостанува дури 10 бодови зад лидерот Нешвил.
Гонзалес е добро познато име во аргентинскиот фудбал. Како играч има 56 настапи за репрезентацијата на Аргентина во периодот од 1995 до 2005 година, а во клупската кариера настапуваше и за Интер, Валенсија и Росарио Сентрал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
