Ракометарите на Металург со победа ги завршија своите настапи за оваа 2018 година откако вечерва како гости триумфираа против Извиѓач со минимални 30-31, само втора радост за македонскиот вицепрвак во регионалното натпреварување. Триумфот е уште позначаен ако се знае дека е извојуван со пресврт во последниот финиш, како доказ дека е научена лекцијата од неуспесите на слични натпревари во претходните неколку месеци.
„Металурзите“ беа подобар противник во првото полувреме, на одмор заминаа со водство од 14-16 и го контролираа резултатот се до ссредината од вториот дел. Тогаш дојде до огромен пад во концентрацијата, македонскиот клуб седум минути беше без постигнат погодок, а Извиѓач максимално ја искористи ситуација и дојде до предност од два погодоци.
Сепак, Металург се разбуди во вистински момент, па по негативата од 30-28 на нешто повеќе од две минути до крајот, тимот од Автокоманда направи серија од 3-0 до самиот финиш и на крајот заслужено се радуваше на победата.
Мице Шилегов и Словенецот Шпенде со по девет гола беа најзаслужни за големиот успех, а по три погодоци постигнаа Димитриоски, Танкоски и Миличевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
