Одреден број тенисери, учесници на УС Опен се сместени во таканаречен „меур во меурот“ затоа што биле во контакт со Беноа Пер кој имаше позитивен тест во пресрет на турнирот, а беше дел и од Мастерсот Синсинати. Неговата сонародничка, Кристина Младеновиќ објаснува дека има право на лимитирано движење затоа што била во групата која играла карти со Пер. Таа и останатите од друштвото прават тестови секојдневно.
„Откако ја добивме веста се наоѓаме во кошамар, но благодарна сум дека можам да бидам на теренот и што сум безбедна“ изјави 30-та носителка по победата над Хејли Баптист.
Беноа Пер кој требаше да биде 17-ти носител поради позитвниот корона-тест беше заменет со Шпанецот, Марсел Гранољерс. Пер на социјалните мрежи објави дека се чувствува добро. УС Опен се игра без публика и под строги протиколи и мерки за заштита од коронавирусот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА