Борец славеше по пресврт со 2-1 против Струга Трим Лум во натпревар од 14. коло во Првата македонска фудбалска лига.
Стратегот на велешани, Горазд Михаилов вели дека ова е многу важна победа бидејќи биле во психолошки пад по двата порази од Вардар и Ренова.
„Многу важна победа за нас, особено од психолошки аспект. По двата порази од Вардар и тој од Ренова во финишот на мечот, бевме под притисок на овој меч. Одличен меч успеавме по пресврт да славиме и затоа сум презадоволен. Одиме чекор по чекор во шампионатот и се уште прва цел ни е опстанокот и да бидеме во средината на табелата. Ние како млад прволигаш, кој лани по 18 години се врати во елитата треба уште да растеме и да одиме чекор по чекор во секој натпревар. Ќе биде тешко до крајот на есенскиот дел од сезоната бидејќи ритамот е пеколен, но ние ќе дадеме максимум на секој натпревари“, ни изјави Михаилов.
Борец во следното коло во домашниот шампионат во сабота во Велес ќе го пречека лидерот на табелата Шкендија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
