Синиша Михајловиќ денеска беше пуштен на домашно лекување, откако ја мина и третата фаза од хемотерапија во битката со тешката болест.
Неговата сопруга објави заедничка фотографија на инстаграм-профилот со посвета: „Не постои поубава работа… Повторно дома“.
Стратегот на Болоња и неговото семејство, но и целокупната фудбалска јавност е во исчекување на најновите резултати за здравствената состојба, односно дали и колку трите серии на третмани со хемотерапија вродиле со плод.
И за време на болеста Михајловиќ остана на функцијата шеф на стручниот штаб на Болоња, па доколку добие зелено светло од лекарите тој би се вратил на секојдневно извршување на работните задачи во клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА