Милан со влезот во Лигата на шампионите успеа да воспостави здрава основа на клубот што оди на патот кон враќање во европската елита. За такво нешто се потребни и трофеи, па навивачите се надеваат дека оваа сезона ќе успеат да го освојат Скудетото по цела деценија чекање.
„Тутоспорт“ пренесува дека „росонерите“ процениле дека се потребни засилувања во нападот, па прва мета е торинскиот фудбалер Андреа Белоти. „Биковите“ се заинтересирани да го откупат договорот на Томаш Побега, кој е во сопственост на Милан, па клубот од „Сан Сиро“ својата шанса ја гледа во тоа.
Од друга страна, капитенот на Торино и репрезентативецот на Италија следното лето ќе може слободно да одлучи каде ќе ја продолжи својата кариера, бидејќи тогаш му истекува актуелниот договор, додека продолжувањето на соработката е под голем знак прашалник.
Белоти е поврзан со многу моќни клубови не само во Серија А, туку и низ Европа, во декември ќе наполни 28 години и многумина веруваат дека е време да се испроба во поамбициозна средина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА