Поранешниот англиски репрезентативец Џо Кол ги „зовре страстите“ пред големиот полуфинален натпревар на Светското првенство 2026 меѓу Англија и Аргентина.
Поранешниот играч од средниот ред на Челси и Ливерпул е убеден дека „Гордиот Албион“ ќе најде начин да го запре Лионел Меси и да се квалификува во големото финале.
Кол верува дека Англија нема да има проблем што ќе игра против Меси за првпат на ова Светско првенство.
„Меси за првпат против Англија? Ќе го успиеме. Ќе го успиеме, 100%“, самоуверено рече поранешниот англиски репрезентативец.
Тој не застана тука, туку дополнително нагласи дека е целосно убеден во успехот на својата репрезентација.
„Го кажувам сега ова, Англија ќе игра во финалето на Светското првенство. Имаме премногу брзина за она што Аргентина го прави најдобро. Ќе ги победиме, го чувствувам тоа длабоко во себе“, рече Кол.
Неговите зборови брзо предизвикаа голем број реакции кај фудбалските фанови. Додека некои веруваат дека ова е сосема нормален оптимизам пред толку важен натпревар, други веруваат дека Кол непотребно ги мотивирал актуелните светски шампиони.
Полуфиналниот дуел помеѓу Англија и Аргентина носи посебна тежина поради долгогодишното соперништво помеѓу двете репрезентации. Нивните средби на големите натпреварувања честопати носеа голема драма, незаборавни моменти и многу емоции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
