Славјето на Милан за освоената титула после 11 години пауза вчера беше проследено и со неколку скандали, пред се скандирања на фудбалерите кон нивниот градски ривал Интер, кој остана без титулата во финишот од сезоната во Серија „А“.
„Росонерите“ на крајот се радуваа на титулата со два бода предност пред Интер, а Скудетото го „презедоа“ токму од својот градски ривал, кој минатата година беше шампион на Италија и ја прекина доминацијата на Јувентус.
Имаше многу непријатни изјави од фудбалерите на Милан при славењето, а најмногу тоа се однесува на Раде Круниќ и Мајк Мињан кој подигнаа транспарент со натпис: „Забијте си го трофејот од италијанскиот Куп во задникот“.
Parte il pullman del Milan: tifosi scatenati #Milan #CasaMilan #pullman #SerieA #scudetto #localteam pic.twitter.com/hv9yGkH9dd
— Local Team (@localteamtv) May 23, 2022
Тоа беше навредлива порака за Интер, а на глупостите им немаше крај, па се уклучи и Златан Ибрахимовиќ. Швеѓанецот со одредена доза на исмевање на навивачите им порача: „Момци, пратете му порака на Хакан…“, алудирајќи на Чалханоглу кој што минатото лето го напушти Милан да се пресели во Интер образложувајќи го потегот дека сака да освојува титули.
Италијанските медиуми сега пренесуваат дека Милан го чека казна, со оглед дека е покрената дисциплинска постапка од Комисијата на фудбалскиот сојуз на Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
