Фудбалскиот репрезентативец на Македонија, Милан Ристовски и неговата Спартак Трнава стигнаа до голем успех освојувајќи го националниот куп на Словачка. Тие во финалето во еден трилер натпревар славеа над големиот фаворит Слован Братислава со 1-2 по продолженија.
По првиот дел мируваа мрежите, а прва до водство стигна Слован Братислава со голот на Мустафиќ во 50. минута. Сепак, само две минути има требаше на Ристовски и соиграчите да израмнат на 1-1 со автоголот на Де Марко.
Регуларниот дел заврши со овој резултат, а во продолженијата посреќни беа фудбалерите на Спартак Трнава кои со голот на Азеведо во 114. минута стигнаа до куп трофејот. Македонскиот репрезентативец го стартуваше мечот и ги одигра сите 120 минути.
За Спартак Трнава ова е седми трофеј во Купот на Словачка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
