Конечно по три едноподруго порази, Милан стигна до триумф во Серија А славејќи во 7. коло на гостувањето против Џенова со 1-2.
„Миланезите“ до триумфот дојдоа со пресврт откако домашните по првото полувреме имаа предност од 1-0 со голот на Шоне во 41. минута. Во второто полувреме најпрво Хернандез израмни во 52. минута, а победата за „црвено-црните“ ја донесе Кеси од пенал во 57. минута.
Џенова имаше можност за бод, но во 93. минута Ласе Шоне не успеа да реализира удар од белата точка за домашните.
Капитенот на македонската репрезентација Горан Пандев ги одигра последните минути на дуелот, влегувајќи во игра во 88. минута од средбата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
