Болоња загуби значајни бодови во трката за место во ЛШ за следната сезона откако „болоњезите“ вечерва беа поразени на гостувањето против Милан со 3-1.
Овој меч беше увертира за финалето на Копа Италија во кој ќе се сретнат истите екипи, двајцата тренери решија да одморат по неколку првотимци, а подобро се снајдоа „росонерите“ кои со резултатски пресврт стигнаа до победата.
Првото полувреме мина без преголеми возбудувања, а Болоња прва поведе на самиот старт од второто полувреме преку Орсолини. Консеисао тогаш го уфрли во игра Сантијаго Хименез, а токму Мексиканецот беше човек на одлука, набрзина постигнувајќи го израмнувачкиот погодок.
Кристијан Пулишиќ биеше прецизно за водство на „росонерите“ од 2-1, пред Хименез со својот втор гол на мечот да ги постави конечните 3-1 на овој натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
