Италијанските калчолигаши Интер и Милан се во трка за ангажман на Филипе Луис, левиот бек на Атлетико Мадрид. 33-годишниот бразилски интернационалец има договор до јуни 2019 година, а клубовите од Милано гледаат одлична можност да добијат искусен и квалитетен фудбалер без отштета.
Атлетико Мадрид на Филипе Луис му предложи нов едногодишен договор, но тој би сакал да ја промени средината, посебно доколку добие подобра понуда и договор за најмалку две сезони. Оваа сезона, тој одигра 17 натпревари во дресот на Атлетико Мадрид, постигна два гола и имаше две асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
