Дејан Милосављев собра уште едно признание откако неговата одбрана на финалето против Веспрем беше избрана за најдобра голманска интервенција во Лигата на шампионите во сезоната 2018/19. ЕХФ денеска објави видео со топ-листа од 20-те најдобри одбрани, а Милосављев се најде на врвот со клучната одбрана во 57. минута од финалето со Веспрем, со која го запечати триумфот на Вардар.
На петтото место на истата ранг-листа се најде и вториот голман на „вардарци“, Калифа Гедбан, со неговата одбрана со глава, исто така на финалето против Веспрем.
Милосављев и Гедбан уште по еднаш се најдоа на оваа ранг-листа, Србинот со двојната одбрана во полуфиналето со Барселона, а Алжирецот со запрената контра на Барса во групната фаза од елитното европско натпреварување.
Погледнете ги 20-те најдобри голмански одбрани во ЛШ, на чело со ремек-делото на чуварот на мрежата на Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА