Мирко Ивановски дефинитивно го напушта Динамо Букурешт, кој не успеа да обезбеди прволигашки статус. Веќе е познато дека поранешниот македонски репрезентативец ќе продолжи во Петролул.
Ивановски веќе се договорил со новиот клуб и ќе заработува 6.000 евра месечно, пишува романски „Дигиспорт“. За него имало интерес и од неколку други клубови, но на крајот се одлучил за Петролул.
Во минатото покрај Динамо, во Романија Ивановски играше и за Клуж и Астра. Беше дел од Диосѓер, сплитски Хајдук, Славен Белупо, Болуспор, Видеотон, а беше дел од Арка и Славија Прага. Во Македонија играше за Македонија ЃП и Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА