Македонската ракометна репрезентација го претрпе вториот пораз во квалификациите за ЕП 2025 откако вечерва загуби на домашен терен од Словенија со 26-32. Конечниот исход е разочарувачки ако се земат во предвид супериорните први дваесетина минути во кои нашата репрезентација имаше шест гола предност, но не успеа да го издржи темпото, а одличниот словенечки состав предводен од Влах и Јанц направи целосен пресврт, на крајот стигнувајќи и до убедлива победа.
По мечот свое мислење даде и најискусниот во репрезентацијата Никола Митревски…
„Можеби немаме доволно квалитет и ротација да одиграме против силни репрезентации како Словенија. Не сакам да барам алиби, но и неколку судиски одлуки беа крајно дискутабилни. Покажавме повторно дека имаме квалитет во овој млад тим и мораме да ги поправиме грешките кои ги направивме. Ни истрчаа неколку контри и полуконтри кои беа клучни да не добијат. Сите играат во врвни клубови и играа полуфинале на ЛОИ во Париз“, изјави Митревски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
