Напаѓачот на Ливерпул, Мохамед Салах сосема очекувано е избран за најдобар фудбалер на Премиерлигата за сезоната 2024/25.
На тој начин, Салах стана само петти фудбалер во историјата на Премиерлигата кој двапати дошол до најпрестижното признание откако истото го освои и во сезоната 2017/18. Освен Египќанецот, двапати ова признание го добиле и Тјери Анри, Кристијано Роналдо, Немања Видиќ и Кевин де Бруин.
Сезонава Салах постигна 28 гола а имаше и 18 асистенции во 37 првенствени натпревари, на патот до новата шампионска титула со Ливерпул.
It had to be him…
Mohamed Salah is your @EASPORTSFC Player of the Season 🏆@LFC | @MoSalah pic.twitter.com/pY8pEjCruq
— Premier League (@premierleague) May 24, 2025
А, вкупно во сите натпреварувања сезонава одигра 51 натпревар притоа со 33 постигнати голови и 23 асистенции, што е импресивен ефект.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
