Хрватска го претрпе најубедливиот пораз на домашен терен во својата фудбалска историја откако Славен Билиќ и неговите избраници се посрамотија денеска во Ријека, губеќи со 0-7 од селекцијата на Англија.
Неколку дена по убедливите 4-1 од Шпанија, „коцкестите“ денеска делуваа уште позагубено на теренот, беа само немоќни актери во мечот во кој гостинот доминираше 90 минути, а само добрите интервенции на голманот Ливаковиќ се причината што ова фијаско не беше уште поголемо.
Хари Кејн го отвори резултатот во раната фаза на мечот, на асистенција на Белингем откако Гвардиол имаше погрешно додавање на сопствената половина. На 0-2 зголеми Белингем на асистенција на Гордон, по што до крајот на полувремето прецизни беа и Гордон и Сака, за 0-4 по 45 минути игра на „Рујевица“.
Англиската доминација продолжи и во второто полувреме, во кое Белингем и Кејн постигнаа уште по еден гол за преубедливи 0-6, пред конечните 0-7 во самиот финиш да ги постави „резервистот“ Роџерс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
