Шпанскиот напаѓач, Алваро Мората се најде на удар на јавноста поради големиот број промашувања на Европското првенство.
Критиките продолжија по промашениот пенал на дуелот со Словачка, а Моата обелодени дека по трите натпревари во групната фаза добил заканувачки пораки кон него лично, но и кон неговото семејство.
„Не можев да спијам по мечот со Полска. Добив голем број на закани кон мене и кон моето семејство. Добив порака во која се надеваат дека моите деца ќе умрат. Сега сум малку подобро, но навистина бев скршен. Веројатно не ја завршив работата како што треба и ги прифаќам критиките. Не знаат какви закани добивам. Кога ќе се случи трагедија ќе речат само „добро дете беше“. Секогаш кога ќе влезам во соба и ќе го земам телефонот знам дека сум добил голем број закани“, вели Мората.
Шпанија во осминафиналето ќе игра против репрезентацијата на Хрватска, а натпреварот е закажан во понеделник со почеток во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
