Македонската радио телевизија ќе ги пренесува настапите на ракометната репрезентација на Европското првенство во Унгарија и Словачка 2022, потврдија денеска од националниот програмски сервис.
Тоа значи дека љубителите на ракометот во Македонија ќе може на македонски јазик да ги следат пренесите на репрезентацијата.
„Men’s EHF EURO 2022 – на МАКЕДОНСКАТА ТЕЛЕВИЗИЈА. Директни преноси во термините од 18.00 и од 20.30 часот во групната фаза, а потоа и од 15.30, од 18.00 и од 20.30 во главната рунда. Специјални студиски емисии со еминентни гости и стручни анализи пред натпреварите на Македонија, како и пред полуфиналето и финалето“, потврди главниот уредник на спортската редакција во МТВ, Драган Николовски.
Македонија на ЕП 2022 ќе игра во група со Данска, Словенија и Црна Гора, а првиот натпревар е против Словенците на 13 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
