Најдобриот македонски ракометар на сите времиња, Кирил Лазаров вечерва во хотелот „Александар Палас“ во Скопје ја промовираше автобиографската книга „Секогаш на победа“. Покрај големиот број соиграчи сегашни и поранешни на Лазаров, на настанот беше и првиот човек на Ракометната федерација на Македонија, Живко Мукаетов.
Тој изјави деке Кире е вистински професионалец од кој младите треба многу да учат, но и дека му е мило што во моментите на негов врв на кариерата тие соработувале заедно.
„Имав среќа во овие осум години да работиме заедно. Факт е дека ни требаше малку да се воиграме, но почнавме да функционираме тимски. Тој е вистински професионалец и човек од кој младите ракометни генерации треба да учат буквално секоја секунда. Мило ми е што во моментите на негов врв на кариерата и максимална зрелост имавме можност заедно да соработуваме“, изјави Мукаетов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА