Пред само неколку денови, пак, Димитриевски изјави дека нема понуди од други клубови и дека со 90% сигурност ќе потпише нов договор со Рајо Ваљекано каде брани од 2018 година.
„Мојата идеја е да ја продолжам кариерата во Рајо и тука да ја завршам затоа што сум навистина среќен, но во оваа професија не се прашувате секогаш само вие“ – истакна неодамна Димитриевски.
Столе Димитриевски е убедливо еден од најдобрите голмани во шпанската Ла Лига, не само според статистичките показатели кои секогаш биле на негова страна, туку и според индивидуалните впечатоци на голем број фудбалски аналитичари. Димитриевски во моментов е на третото место во шпанското првенство по број на натпревари без примен гол, со девет, зад Унаи Симон од Атлетик Билбао кој има 12 и Алекс Ремиро од Сосиедад со 11 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
