Десниот бек на Шкендија, Мевљан Мурати е задоволен што неговиот тим има и натаму предност од осум бода во однос на конкурентите за шампионската титула која носи барем мала смиреност за продолжението од шампионатот.
„Ако се гледа доминацијата против Македонија ЃП тогаш сигурно мораше да освоиме три бода. Но, во фудбалот не секогаш го реализирате зацртаното. Сепак, имаме квалитетни осум бода предност и нив мора мудро да ги чуваме во продолжението. Ние сме во навистина добра позиција и таа предност низ следните натпревари треба дополнително да ја зацврстуваме“ – вели Мурати, притоа дополнувајќи:
„Фокусот сега е на мечот со Беласица. Ние максимално го почитуваме секој противник. Знаеме дека нема да биде лесен дуел, а бодовите ќе дојдат само ако дадеме максимум од нашите можности. Има време оваа недела комплетно да се подготвиме за тој дуел“.
А, во очекување на следниот првенствен дуел со Беласица, Шкендија утре планира и тест натпревар со второлигашот Гостивар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
