Жозе Мурињо смета дека „Златната топка“ не е исклучиво награда за фудбалските квалитети и резултатите на играчите, туку дека во изборот постои и политички аспект.
Португалскиот тренер говореше за најпрестижната индивидуална награда во светот на фудбалот и не го криеше својот скептицизам околу начинот на кој се носат одлуките.
„Златната топка има политичка страна, и тоа не ми се допаѓа“, порача Мурињо, споредувајќи го изборот со други ситуации во фудбалот во кои, според него, не одлучува само спортскиот квалитет.
Мурињо во своето излагање се осврна и на Килијан Мбапе, за кого смета дека има квалитет да биде меѓу главните кандидати за најголемото индивидуално признание.
Португалецот зборуваше и за Карло Анчелоти, со кого има долгогодишно ривалство и меѓусебно почитување. Според Мурињо, италијанскиот стручњак е еден од најуспешните тренери во историјата и човек кој со својата работа оставил огромна трага во фудбалот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
