АБА2 балонот во Сараево ќе биде комплетиран со натпреварот помеѓу МЗТ Скопје и Ловќен од 19 часот во кој македонскиот состав ќе бара победа за перфектен учинок на третиот турнир на второто по ранг натпреварување на ‘Јадранот’.
Избраниците на Дарко Радуловиќ одиграа одлични два натпревара во кои успеаја да ја наметнат својата игра, но за победа против црногорскиот претставик повторно ќе треба да бидат на врвот на својата задача во одбраната против шутерски расположената бековска линија која ги сочинува Мугоша и Клеренс.
Аеродромци имаат позитивен биланс во меѓусебните средби со Ловќен со четири победи во пет одиграни натпревари, со убедлива триумф претходната сезона, но и неколку егал средби на кои победникот се решавање во последните моменти. Дали ‘сино-белите’ ќе успеат да ја повторат добрата игра и против денешниот противник и да ја зачуваат втората позиција на табелата останува да видиме.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
