Кошаркарите на МЗТ Скопје поведоа со 1-0 во четвртфиналната серија против Кожув од плејофот во Првата македонска кошаркарска лига откако триумфираа во „Јане Сандански“ со 83-69.
Актуелните шампиони до победата дојдоа со пресврт благодарение на одличното второ полувреме откако првото го завршија со 39-49.
Но, во вториот дел, целосен пресврт за конечна победа од 14 поени разлика.
Мечот, сепак, го одбележа скандалозниот потег на тренерот на МЗТ, Гаги Николиќ кој во втората четвртина влета на терен и собори противнички кошаркар за што заработи и исклучување.
Најдобар кај МЗТ беше Војдан Стојановски со 29 поени и седум скока, а Дамјан Стојановски запиша 21 поен дополнети и со девет скока. Кај гостите се издвои Гордон со 21 постигнат поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
