УС Опен се соочува со сериозни проблеми со оглед дека голем дел од најславните имиња имаат дилеми или веќе го откажаа настапот на првиот грен-слем со кој конечно тенисот треба да се врати на големата сцена. Дополнителен проблем деновиве прави и информацијата дека на учесниците им биле давани за потпишување изјави во кои стои дека самите ја преземаат комплетната одговорност за ризиците кои постојат при настапот на турнирот.
„Доброволно ја прифаќам одговорноста за сите ризици (вклучувајќи и смрт) кои би можеле да ми се случат мене или на лица кои ќе бидат со мене во контакт и како резултат на моето присуство во официјалните простории, свесно или несвесно“ – стои во дел од текстот на изјавата што треба да ја потпишат тенисерите и тенисерките.
УС Опен ќе се одржи од 31. август до 13.септември и ќе биде под строги протоколи за заштита од коронавирусот. Учесниците нема да смеат да го напуштаат „балонот“, често ќе често бидат тестирани, ќе треба да ги намалат тимовите, нема да има деца кои ги додаваат топчињата и слични други рестрикции.
US Open Covid19 waiver
“I voluntarily assume full responsibility for any risks … including … death, that may be sustained by me or by others who come into contact with me, as a result of my presence in the Facilities, whether caused by the negligence of the NTC or otherwise.” pic.twitter.com/xoOYRnFtu9— Oleg S. (@AnnaK_4ever) August 9, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА