Шпанскиот тенисер Рафаел Надал го прокоментира фактот зошто никогаш не го освои Мастерсот во Париз. Вториот тенисер на светот беше поразен од Александар Зверев во полуфиналето, а во кариерата само еднаш стигна до финалето во 2007 кога беше поразен од Давид Налбандијан со 6-4 и 6-0.
„Нема никој фрлено клетва на мене. Турнирот е тежок поради условите во кои се игра. Не е ненормално тоа што никогаш го немам освоено. Сепак, играат најдобрите тенисери во светот и самото по себе тоа е тешко“, изјави Надал.
Надал веќе почна со подготовки за завршниот турнир кој годинава за последен пат ќе се игра во „О2“ арената во Лондон, а исто така еден од малкуте големи турнири кои ги нема освоено Шпанецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
