Рафаел Надал ја започна 2021 година со победа. Сопственикот на 20 грен слам титули беше подобар од Доминик Тим на егзибициски меч во Аделаид и оствари победа со резултат од 7:5, 6:4. Дуелот во првиот сет до резултат 5: 5 го одбележаа добри сервиси на двете страни. Ниту еден од играчите немаше можност за брејк. Дури во 11-от гем, Шпанецот успева да му го одземе сервисот на Тим и да стигне до предност од еден сет.
Слично сценарио двајцата тенисери покажаа и во вториот сет, само што овој пат Надал дилемата за победник ја реши порано. Рафа обезбеди водство од 5:4, а потоа го искористи својот сервис за да го добие натпреварот во своја полза против третиот играч во светот.
„Ова беше тешка година за целиот свет. Австралија е позитивен пример за тоа како работите можат да се направат на вистински начин и да заеднички да се бориме против пандемијата. Последните две недели беа прекрасни, иако не е идеално кога сте во карантин. Сепак, тоа беше предуслов сега да можеме да бидеме пред гледачите и фановите на тенисот. Ние и должиме огромна благодарност на Австралија и на вашата тениска федерација “, рече Надал по крајот на мечот.
Rafa kicks into the Aussie summer. #Nadal pic.twitter.com/jxCiO2ZkB4
— tennis gifs ?? (@tennis_gifs) January 29, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА