Ненад Димитријевиќ игра во одлична форма во дресот на Хувентуд, максимално користејќи ги шансите иако не добива преголема минутажа во овој шпански клуб. Квалитетот на македонскиот плејмејкер е очигледен, а најдобра потврда за тоа е фактот што Димитријевиќ потпиша договор со најдобриот кошаркарски менаџер во Европа, Мишко Ражнатовиќ. Станува збор за агент кој се грижеше за кариерата на Перо Антиќ, а кој застапува бројни врвни кошаркарски имиња како Спанулис, Шариќ, Жижиќ, Дејвис, Диксон…
„Кога ќе ти се јави најдобриот менаџер и ќе каже дека сака да те застапува, не се размислува премногу. Тоа е голема чест, но и обврска да продолжам со напорна работа“ – изјави Димитријевиќ за ЕКИПА.
Со оглед на фактот дека договорот што Македонецот го има со Хувентуд e блиску до завршување, потписот на Димитријевиќ со агенцијата „Беобаскет“ во сопственост на Ражнатовиќ е најава за голем трансфер во текот на летото.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
