Кире Лазаров ја потврди светската класа и во последната сезона од фантастичната кариера, откако македонскиот „бомбардер“ беше во главна улога на вечерашното реми од Лигата на Европа меѓу ГОГ и Нант, што заврши со резултат 29-29.
Францускиот тим се наоѓаше на работ на пораз во Данска кога домаќините преку Питлик поведоа со 29-28, но тренерот Ентрериос побара тајмаут на триесетина секунди до крајот. Нант тргна со „седум на шест“ во последниот напад, а Лазаров одлично се снајде и како среден бек испрати проектил во долниот агол од голот на ГОГ, постигнувајќи гол за голем бод за Нант.
Македонскиот капитен го заврши мечот со пет постигнати погодоци, еден помалку од најдобриот стрелец Брие.
King Kiril – of course – with the last goal of the match and Mickaël Robin with his 12th save in second half on 25 shots. A great match between GOG and Nantes ends 29-29.#handball pic.twitter.com/boAwR2vNec
— Rasmus Boysen (@RasmusBoysen92) November 30, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
