Триесетиедногодишниот белгиски тренер, Вил Стил заминува од редовите на Ремс, објави францускиот клуб. Причината за заминувањето не е обелоденета, но 31-годишникот заминува од тимот со крената глава и остварена цел во сезоната.
Во ноември 2022 година Стил стана најмладиот тренер во најдобрите пет фудбалски првенства во Европа, а францускиот клуб поради него мораше да плаќа казна од 25 илјади евра на секој натпревар бидејќи Стил немаше професионална тренерска лиценса на УЕФА.
И покрај годините Белгиецот покажа искуство, од самиот почеток остваруваше добри резултати, а така беше и оваа сезона во која клубот ја исполни главната цел – опстанок во Лига 1. Во моментот Ремс е на 11. место на табелата, а во последните три натпревари во сезоната на клупата нема да го има Стил.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
