Н’Голо Канте повторно успеа да ја воодушеви спортската јавност. Човекот со неверојатна скромност и понизност беше најдобар поединец во финалето од Лигата на шампионите, но по мечот најповлечен од сите оставајќи во радоста да водат соиграчите.
30-годишниот Французин дојде до ново достигнување во кариерата. Во период од само пет година има две титули шампион на Англија, го освои Светското првенство со Франција, титулата во Лига Европа и сега титулата во Лигата на шампионите. Со тоа што во најсилен ранг игра само од 2014 година во дресот на Каен.
По мечот сцените како Курт Зоума на рацете го носи малиот Канте го обиколија светот, но неговата средба со трофејот на ЛШ, пак, е посебна приказна.
Додека сите играчи на Челси восхитено околу пехарот, скромниот Канте одлучи само да го допре со насмевка на лицето.
Kante didn’t kiss the cup… How humble can someone be??#UCLfinal #Chelsea pic.twitter.com/UZeJJi4WpI
— hilal ka ni? (@inibukanhilal) May 29, 2021
Веднаш по финалето од ЛШ многумина во Европа веќе стартуваа акција Канте да ја добие наградата „Златна топка“. Својата класа ќе има можност да ја потврди и на престојното Европско првенство каде неговата Франција е меѓу фаворитите за титула.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
