Елиф Елмас и неговиот Наполи се искачија на врвот на табелата во групата „Ц“ откако со преврт во второто полувреме забележаа победа од 1-4 на гостувањето во Варшава против Легија. Македонскиот репрезентативец одигра 65. минути на денешниот меч.
Домаќинтие кои поведоа преку Емрели во 10. минута предноста од 1-0 ја задржаа и до полувремето, но вторите 45. минути им припаднаа на неаполитанците кои голеадата ја започнаа во 51. минута кога Зиелински беше сигурен од белата точка. Пресвртот на Наполи го осиугра Мертенс, повторно од пенал во 75. минута, а до крајот стрелаа и Лозано и Оунас за значајна победа.
Англискиот претставник Вест Хем пак ги испушти првите бодови во натпреварувањето откако ремизираше на гостувањето кај Генк со 2-2. Домаќините поведоа уште во 5. минута од мечот, а откако „чекичарите“ со головите на Бенрама успеаја да направат преврт во второто полувреме, автоголот на Соучек во 88. минута донесе реми кое е значајно за Динамо Загреб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
