Најдобрата македонска фудбалерка Наташа Андонова е најдобриот поединец на својот Леванте во првото полувреме од натпреварот од 15. коло во женската Ла лига против Рајо Валјекано.
Домаќинките по првите 45. минути имаат предност од 4-1, а од два гола на својот тим беше и нашата репрезентативка. Прво, Андонова во 7. минута и асистираше на Љорис за водство од 1-0 на Леванте, а потоа го постигна и погодокот за 3-1 во 34. минута.
За капитенот на женската фудбалска репрезентација на Македонија ова беше втор гол и исто така втора асистенција сезонава во шпанската Ла лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА