Стеано Пиоли треба да дебитира на клупата на Милан на вечерашниот натпревар против Лече во Серија А.
Промената на клупата следеше по оние четири порази во седум кола на „миланезите“. Но, навивачите на Милан и не го поддржуваат многу новиот тренер, свесни дека е „интериста“. Па, се одлучни вечерва против Лече да протестираат од јужната трибина. Најавени се жестоки протести и против директорите Паоло Малдини и Звонимир Бобан, од кои бараат заминување.
„Времето истече“ – пишуваше на транспарент на навивачите на гостувањето во Џенова.
Ситуацијата во Милано е далеку од идеална, а многумина излез од кризата гледаат во новите сопственици со оглед на фактот дека веќе отворено се најавува влез на катарски тајкун во клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
