Кошаркарот на Минесота Тимбервулвс, Наз Рид ја подигна наградата за најдобар шести играч во НБА лигата оваа сезона.
Наз Рид е еден од најважните адути на „волците“ оваа сезона, кои се на чекор до полуфиналето во Западната конференција, бидејќи моментално имаат предност од 2-0 во серијата против Феникс Санс.
Рид ја игра петтата сезона во најсилната лига на светот, која е и најпродуктивна во неговата кариера со 13,5 поени, 5,2 скока и 1,3 асистенции во просек по меч.
Борбата за најдобар шести играч во лигата инаку беше многу неизвесна. Рид победи со само два гласа за првото место (45-43) пред Малик Монк од Сакраменто.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА