Тимовите од НБА лигата нема да им дозволат на кошаркарите да настапуваат за националниот тим во текот на сезоната. Тоа ќе значи и отсуство на играчите од најсилната лига во квалификациите за Светското првенство во 2019 во Кина. Ваквата одлука посебно ќе биде специфична за американскиот дрим-тим.
Постојат неколку алтернативи, една од нив е во американската репрезентација за квалификациите за СП 2019 да се регрутираат играчи од развојната лига. Втората опција е за„резервниот“ дрим-тим да играат кошаркари кои не настапуваат во најсилната лига во светот.
Во иста ситуација е и американскиот селектор Грег Попович, па челните луѓе во репрезентацијата на САД ја разгледуваат опцијата и за ангажман на повеќе тренери кои ќе го водат тимот во квалификациите или да ангажираат заменик-селектор што ќе ја води американската репрезентација во сите 12 квалификациски натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
