Кошаркарите на Чикаго со една одлична четвртина, успеаја да го добијат натпреварот со Бостон на гостински терен, на крајот со убедливи 14 разлика. „Булси“ во текот на целиот меч губеа, а губеа и по четвртини. Првата ја загубија со еден разлика, па Бостон во втората беше подобар со седум разлика, и третата ја доби Бостон со шест разлика. Едно време домашните имаа и неверојатни 19 поени предност во третиот период, а во финишот на истиот гостите намалија и во последната четвртина Бостон влезе со предност од +14. Меѓутоа во последната четвртина Чикаго одигра „ѕверски“ и ја доби со неверојатни 39:11. Предноста се топеше многу брзо, па не само што успеаја да дојдат до „егал“, туку и да направат добра разлика во своја корист.
Најефикасен не мечот беше ДеРозан со 37 поени, и најзаслужен за победата на Чикаго.
И покрај одличната партија на српскиот кошаркар Никола Јокиќ, Денвер загуби од Мемфис со 106:97. Јокиќ постигна 23 поени и седум асистенции и исто толку скокови, но недоволно да се совлада противникот. Клучната разлика беше направена во третиот период, кој Мемфис го доби со 22:15, и потоа Денвер не можеше да се врати.
РЕЗУЛТАТИ:
ЛА Клиперс – Оклахома 99:94
Шарлот – Кливленд 110:113
Индијана – Сан Антонио 131:118
Филаделфија – Портланд 113:103
Атланта – Вашингтон 118:111
Бостон – Чикаго 114:128
Њујорк – Торонто 104:113
Мемфис – Денвер 106:97
Минесота – Орландо 97:115
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
